माहित नाही असं का?

पावसाच्या सरीबरोबर

चिंब भिजावसं वाटतं

पुढे टाकलेलं पाऊल मागेच थबकतं

माहित नाही असं का होतं?

वाऱ्याच्या झुळकीसरशी

मन पिसासारखं हलकं होतं

तरंगावसं वाटताना जमिनीवरच राहून जातं

माहित नाही असं का होतं?

जेव्हा संवाद साधू पहाते

शब्दचं मुके होतात

ओठांच्या आड दडून बसतात

माहित नाही असं का होतं?

भावनांच्या आंदोलनाने

मन माझं हिंदकळतं

पण सारंच व्यक्त नाही करू शकत

माहित नाही असं का होतं?

असं सगळ्यांचं होतं ?

का फक्त मलाच असं वाटतं ?

खरंच कळत नाही असं का होतं ?

© कविता कुलकर्णी

10th Oct 1997